විදේශ ආධාර යටතේ ආරම්භ කර නතර වූ සංවර්ධන ව්‍යාපෘති කඩිනමින් යළි ආරම්භ කරන බව ජනාධිපති ජ්‍යෙෂ්ඨ උපදේශක සහ කාර්ය මණ්ඩල ප්‍රධානි සාගල රත්නායක මහතා පවසනවා.
ඔහු මේ බව සඳහන් කළේ ඉදිකිරීම් කර්මාන්තයේ පුනර්ජීවනය පිළිබඳ විධායක කමිටුව ඊයේ(02) ජනාධිපති ලේකම් කාර්යාලයේදී හමුවූ අවස්ථාවේදීයි.
ලෝක බැංකුවේ සහ ආසියානු සංවර්ධන බැංකුවේ සහය ඇතිව මෙරට ක්‍රියාත්මක සංවර්ධන ව්‍යාපෘතිවල ප්‍රගතිය පිළිබඳ වාර්තාවක් ලබාදෙන ලෙස සාගල රත්නායක මහතා නිලධාරින්ට උපදෙස් ලබා දී තිබෙනවා.
එමෙන්ම ඉදිකිරීම් ක්ෂේත්‍රයේ කර්මාන්තකරුවන්ට රජය විසින් ගෙවිය යුතු මාස 03 ක හිඟ මුදල් මෙම මාසය ඇතුළත ගෙවා අවසන් කරන බව ඉදිකිරීම් කර්මාන්තයේ පුනර්ජීවනය පිළිබඳ විධායක කමිටුවේ සාමාජිකයින් මෙහිදී දැනුම් දී තිබෙනවා.
