ඔස්ට්‍රේලියානු අග්‍රාමාත්‍ය ඇන්තනි ඇල්බනීස් ලබන මාසයේ නවදිල්ලියේ පැවැත්වීමට නියමිත G20 සමුළුවට සහභාගී වන බව තහවුරු කර තිබේ.
G20 යනු ගෝලීය ආර්ථික සහයෝගීතාව සඳහා වන ලෝකයේ ප්‍රමුඛතම සංසදයයි.
ඔස්ට්‍රේලියානු අග්‍රාමාත්‍ය කාර්යාලයේ ප්‍රකාශයකට අනුව ගෝලීය ආර්ථිකය ශක්තිමත්, තිරසාර සහ ඔරොත්තු දෙන වර්ධනයක් කරා ආපසු රැගෙන යෑම කෙරෙහි නායකයින් අවධානය යොමු කරනු ඇත.
“අග්නිදිග ආසියාව සමඟ ඕස්ට්‍රේලියාවේ සම්බන්ධය ගැඹුරු කිරීම මගේ රජයේ ප්‍රධාන ප්‍රමුඛතාවයකි. අපගේ අනාගතය එකිනෙකට බැඳී ඇත – එබැවින් සාමකාමී, ස්ථාවර සහ සමෘද්ධිමත් කලාපයක් සාක්ෂාත් කර ගැනීම සඳහා අපි එකට වැඩ කිරීම අත්‍යවශ්‍ය වේ,” ඕස්ට්‍රේලියානු අග්‍රාමාත්‍ය කාර්යාලයේ මාධ්‍ය ප්‍රකාශයක් ඇල්බනීස් උපුටා දක්වමින් පැවසීය.
“ඕස්ට්‍රේලියාවට G20 වැනි බහුපාර්ශ්වික ආර්ථික සංසද හරහා ජාත්‍යන්තර හවුල්කරුවන් සමඟ සමීපව කටයුතු කිරීම, හවුල් අභියෝග සහ අවස්ථා ආමන්ත්‍රණය කිරීම සඳහා වෙන කවරදාකටත් වඩා වැදගත් වේ,” අගැමැතිවරයා පැවසීය.
ඉන්දු-පැසිෆික් කලාපයේ වර්ධනය සහ සමෘද්ධිය, ස්ථාවරත්වය සහ ස්වෛරීභාවය සහ කල්පවත්නා සාමය සඳහා ඕස්ට්‍රේලියාව ආයෝජනය කරන බවත් කැපවන බවත් ඇල්බනීස් පවසයි.
2024 දී ආසියාන්-ඕස්ට්‍රේලියා සංවාද සබඳතාවල 50 වැනි සංවත්සරය සැමරීම සඳහා විශේෂ සමුළුවක් පැවැත්වීම පිළිබඳව ඕස්ට්‍රේලියාව ආඩම්බර වන බව ඇල්බනීස් පැවසීය.
ලබන වසරේ මාර්තු මාසයේදී ආසියාන් රාජ්‍ය නායකයින් ඔස්ට්‍රේලියාවට පිළිගැනීමට බලාපොරොත්තු වන බව ද ඔහු පැවසීය.
