ඉන්දීය රුපියල් කෝටි 702ක් මූල්‍ය වංචාව සම්බන්ධයෙන් විමර්ශනය කරන හයිද්‍රාබාද් සයිබර් අපරාධ පොලිසිය තවත් චූදිතයකු මුම්බායි නුවරදී අත්අඩංංගුවට ගෙන ඇතැයි ඉන්දීය මාධ්‍ය වාර්තා කළේය.
මොහු මෙම වංචාවට සම්බන්ධ ප්‍රකාශ් සහ ප්‍රජාපතී යන කුප්‍රකට අපරාධකරුවන්ගේ සමීපතමයකු බවද පොලිසිය කියයි.
ප්‍රකාශ් සමඟින්, පොලිසිය දැනටමත් පුද්ගලයින් නව දෙනෙකු අත්අඩංගුවට ගෙන ඇති අතර ඉන්දියානුවන්ගෙන් කොල්ලකන ලද මුදල් වලින් ලැබෙන මුදල් ජාත්‍යන්තර ත්‍රස්තවාදී සංවිධානයක් වන හිස්බුල්ලා සමඟ සම්බන්ධ වූ ක්‍රිප්ටෝ පසුම්බි වෙත මාරු කරන බව සොයාගෙන ඇත.
අත්අඩංගුවට ගත් විත්තිකරු ප්‍රකාශ්ගේ ගිණුමේ ඇති මුදල් ක්‍රිප්ටෝ මුදල් බවට පරිවර්තනය කර ඒවා ඩුබායි හි ප්‍රකාශ්ගේ සහචරයින් විසින් ක්‍රියාත්මක කරන ක්‍රිප්ටෝ පසුම්බි වෙත මාරු කරනු ඇත.
පසුව එය චීනයේ ක්‍රිප්ටෝ පසුම්බි වෙත මාරු කර ඇති අතර හිස්බුල්ලා සංවිධානයට සම්බන්ධ ඒවා වෙතද මාරු කර ඇති බව පොලිසිය පවසයි.
මෙම කල්ලියට එරෙහිව රට පුරා පැමිණිලි 748ක් පමණ ලියාපදිංචි වී ඇති අතර ඉන් 133ක් පමණ තෙලන්ගානා ප්‍රදේශයෙන් ලැබුණු ඒවා වේ.
මෙම කල්ලිය චීන ජාතිකයන් විසින් මෙහෙයවන බව පොලිසිය පවසයි.
