මෙක්සිකෝවෙන් එළියට ආ පිටසක්වල ජීවීන්

පේරු රාජ්‍යයෙන් 2017 වසරේදී සොයාගත් පිටසක්වල ජීවීන්ගේ සිරුරු දෙකක් මෙක්සිකෝවේදී පළමුවරට මාධ්‍ය හමුවේ නිරාවරණය කර තිබෙනවා.

මෙහි විශේෂත්වය වන්නේ මෙම සිරුරුවල DNA සාම්පල සාමාන්‍ය මිනිසුන්ගේ DNA සාම්පල සමග නොගැළපෙන බව විද්‍යාත්මකව තහවුරු වීමයි.

මෙම සිරුරු වසර 700ත් 1800ත් අතර පැරණි බවට හඳුනාගෙන ඇති අතර ඔවුන්ගේ දෑත්වල ඇඟිලි 03ක් පමණක් පිහිටා ඇති බව පැහැදිලිව නිරීක්ෂණය කළ හැකියි.

මෙය සත්‍ය වශයෙන් පිටසක්වල ජීවියෙකුගේ දැයි තහවුරු කිරීම සඳහා DNA පරීක්ෂාවක්ද විද්‍යාඥයින් සිදුකර තිබෙන අතර එහිදී මෙම සිරුරුවල DNA සාම්පල සාමාන්‍ය මිනිසුන්ගේ DNA සාම්පල සමග නොගැළපෙන බව තහවුරු වී තිබෙනවා.

ඇතැම් මාධ්‍ය මෙම අවස්ථාව අර්ථදක්වා ඇත්තේ “ලොව ප්‍රථමවරට පිටසක්වල ජීවින් ප්‍රදර්ශනය කෙරේ” යනුවෙනි.

එසේම මෙම සිරුරු පතල්වලින් සොයාගෙන ඇති බවත් පවසනවා.

හඳුනා නොගත් පියාසර වස්තූන් සහ පිටසක්වල ජීවින් පිළිබඳව මෑත ඉතිහාසයේ ගවේෂණ ආරම්භ වන්නේ 1900 දශකයේ සිටයි.

තාක්ෂණයේ දියුණුවත් සමග 2000 වසරින් පසු ඒ පිළිබඳව කෙරෙන ගවේෂණ වඩාත් රහසිගත මුහුණුවරක් ගත් අතර එහිදී ඇතැම් බලවත් රාජ්‍යයන් ඒ පිළිබඳව කරන ගවේෂණ සඟවන බවටද චෝදනා එල්ල වුණ අතර එවැනි ජීවින් හා පියාසර වස්තූන් පිළිබද සාක්ෂි ප්‍රසිද්ධ කිරීම 2022 වසරේ සිට අත්හිටුවීමට අමෙරිකානු රජය පියවර ගෙන තිබූ බව පසුගියදා විදෙස් මාධ්‍ය අනාවරණ කළා.

මෙය පිටසක්වල ජීවීන් පිළිබඳ ගවේෂණයේ නවතම හැරවුම් ලක්ෂය වනු ඇති බවට සඳහන්.