චීන හැකර්වරු විසින් අමෙරිකාවේ රාජ්‍ය දෙපාර්තමේන්තු ගිණුම්වලින් විද්‍යුත් පණිවුඩ දස දහස් ගණනක් සොරකම් කර තිබෙනවා.
සෙනට් සභා නියෝජිතයෙකු විසින් ද මෙම තොරතුරු තහවුරු කර තිබෙන බවට වාර්තා වනවා.
විදෙස් මාධ්‍ය වාර්තා කළේ එරට රාජ්‍ය දෙපාර්තමේන්තු තොරතුරු තාක්ෂණ නිලධාරීන්ගේ සාකච්ඡාවක දී මේ සම්බන්ධයෙන් කරුණු අනාවරණය වූ බවයි.
ඒ අනුව චීන හැකර්වරු විසින් අමෙරිකානු රාජ්‍ය දෙපාර්තමේන්තුවේ ගිණුම් 10 කින් විද්‍යුත් තැපැල් පණිවුඩ 60,000ක් සොරකම් කර ඇති බවට නිරීක්ෂණය වී ඇති බව විදෙස් වාර්තා වැඩිදුරටත් සඳහන් කර තිබෙනවා.
