චීන නිල සංචාරය ආරම්භ කරමින් ජනාධිපති රනිල් වික්‍රමසිංහ මහතා අද (14) දිවයිනෙන් පිටත්ව යාමට නියමිතව තිබෙනවා.
එම සංචාරයේදී ජනාධිපතිවරයා චීන ජනාධිපති ෂී ජින් පින් හමුවී සාකච්ඡා පැවැත්වීමට නියමිතයි.
එසේම නව වෙළඳ ගිවිසුම් කිහිපයකටද එහිදී අත්සන් තැබීමට සැලසුම් කර ඇති අතර ඒ සඳහා පෙරේදා(12) අමාත්‍ය මණ්ඩලයේ අනුමැතියද හිමිව තිබෙනවා.
මෙරට විශාලම විදේශ ණය හිමියා වන චීනය, ණය ප්‍රතිව්‍යූහගතකරණය ක්‍රියාවලියට සිදු කරනු ලබන මැදිහත්වීම පිළිබඳව ජනාධිපතිවරයාගේ මෙම සංචාරයේදී වැඩි අවධානයක් යොමුවනු ඇති.
පසුගියදා ණය ප්‍රතිව්‍යූහගතකරණය කිරීම සම්බන්ධයෙන් චීන එක්සිම් බැංකුව සහ ශ්‍රී ලංකාව එකඟතාවයකට පැමිණි බව මුදල් අමාත්‍යාංශය නිවේදනය කළ අතර එම එකඟතාවය මත එම බැංකුවට ගෙවීමට ඇති ණය වලින් ඇමරිකානු ඩොලර් බිලියන 4.2 ක් පමණක් ආවරණය වන බව එම නිවේදනයේ සඳහන්.
