පෞද්ගලික සහල් මෝලක සේවකයන් ප්‍රවාහනය කරමින් තිබු බස් රථයක් අද (30) උදෑසන අනතුරට ලක්ව තිබෙනවා.
වැලිකන්ද මුතුවැල්ල ප්‍රදේශයේදී පාරෙන් ඉවතට පැන බෑවුමකට පෙරළීමෙන් සිදුවු මෙම අනතුරෙන් තිස්දෙනෙකු පමණ තුවාල ලබා රෝහල්ගත කළ බවයි වාර්තා වෙන්නේ.
රියැදුරුට අධික වේගය පාලනය කර ගැනීමට නොහැකි වී මෙම අනතුර සිදුව ඇති බව වැලිකන්ද පොලීසිය පවසනවා.
අනතුර සිදුවන අවස්ථාවේ බස් රථයේ පුද්ගලයින් 75 දෙනෙකු පමණ ගමන් කර ඇති බව සඳහන්.
තුවාල ලැබු පුද්ගලයින් වැලිකන්ද ප්‍රාදේශීය රෝහලට ඇතුළත් කිරීමෙන් පසු වැඩිදුර ප්‍රතිකාර සඳහා පොළොන්නරුව රෝහල වෙත මාරු කර යවා තිබෙනවා.
බස් රථය ගමන් ගන්නා විට එහි සේවකයින් අසූවකට ආසන්න සංඛ්‍යාවක් සිට ඇති බවත් බස් රථයේ රියැදුරු මේවන විට අත්අඩංගුවට ගෙන තිබෙන බවත් පොලිසිය පවසනවා.
