මානව හිමිකම් දිනය ඊයෙ(10) දිනට යෙදී තිබූ අතර එයට සමගාමීව මානව හිමිකම් ක්‍රියාකාරී පිරිසක් පොලීසිය මඟින් වන මානව හිමිකම් උල්ලංඝනය කිරීම් අවම කරන ලෙස ඉල්ලමින් සංදේශයක් භාර දෙනු ලැබුවා.
මෙහිදී අදහස් දක්වමින් වැඩබලන පොලිස්පති දේශබන්දු තෙන්නකෝන් මහතා විසින් පවසා සිටියේ ශ්‍රී ලංකා පොලිසිය මානව හිමිකම් වලට ගරුකරන, මිනිස්සුන්ගේ අයිතිවාසිකම් වලට ගරුකරන ආයතනයක් බවයි.
පොලිස් නිළධාරීන් සිදුකරනු අපරාධ නිවාරණය,මත්ද්‍රව්‍ය මැඩලීමේ රාජකාරී මෙන්ම රථවාහන රාජකාරි මඟින් පුරවැසියන්ගේ අයිතිවාසිකම් ආරක්ෂා කිරීම බව තෙන්නකෝන් මහතා පැවසුවා.
ඒවායේදී සිදුවන සුළු සුළු අඩුපාඩු මග හැර ගනිමින් කටයුතු කිරීම බලාපොරොත්තුව බව ඔහු සඳහන් කළා.
මානව හිමිකම් අයිතිවාසිකම් ආරක්ශා කිරීම සඳහා කදුළු ගෑස් ප්‍රහාර එල්ල කරන බවත් සාමකාමී උද්ඝෝෂණ සඳහා කිසිදු බාධාවක් නොමැති බවත් මෙහිදී වැඩිදුරටත් අදහස් දක්වමින් ඔහු සඳහන් කළා.
