දේවගැති ජෙරම් ප්‍රනාන්දු විසින් ගොනුකරන ලද පෙත්සම නිෂ්ප්‍රභ කරන ලෙස ඉල්ලමින් නීතිපතිවරයා අද (18) අභියාචනාධිකරණය හමුවේ මූලික විරෝධතා මතු කර තිබෙනවා.
බුදු දහම ඇතුළු අන්‍ය ආගම්වලට අපහාස කළේ යැයි සැකපිට තමන්ව රක්ෂිත බන්ධනාගාරගත කරමින් කොටුව මහේස්ත්‍රාත්වරයා විසින් නිකුත් කර තිබෙන නියෝගය බල රහිත කිරීමේ තීරණයක් ලබා දෙන ලෙස ඉල්ලා දේවගැති ජෙරම් ප්‍රනාන්දු විසින් මෙම පෙත්සම ගොනු කර තිබුණා.
අභියාචනාධිකරණය නිවේදනය කළේ එම මූලික විරෝධතා පිළිබඳ නියෝගය මේ මස 20 වනදා ප්‍රකාශයට පත්කරන බවයි.
දේවගැති ජෙරම් ප්‍රනාන්දු විසින් ඉදිරිපත් කළ පෙත්සමක් කැඳවනු ලැබූ අවස්ථාවේදී නීතිපතිවරයා වෙනුවෙන් පෙනී සිටි ජ්‍යෙෂ්ඨ රජයේ නීතිඥ ශමින්ද වික්‍රම මහතා මෙම මූලික විරෝධතා මතු කළා.
