විදේශ රටවල පර්යේෂණ නෞකාවලට ශ්රී ලංකා මුහුදු සීමාවේ පර්යේෂණ කටයුතු කිරීමට අවසර ලබාදීම නැවත සලකා බලනතුරු වසරක කාලයක් සඳහා තාවකාලිකව අත්හිටුවා ඇතැයි විදේශ කටයුතු අමාත්යංශය පැවසුවා.
විදේශ කටයුතු අමාත්යංශය පැවැසුවේ, ඒ සම්බන්ධව අදාළ රටවල්වලට දැනුම් දීමට කටයුතු කර ඇති බවයි.
නමුත් පර්යේෂණ නෞකාවලට සැපයුම් ලබා ගැනීම සඳහා ශ්රී ලංකා වරායන්හි නැංගුරම්ලා හැකි බවත් එය වැළැක්විය නොහැකි බවත් විදේශ කටයුතු අමාත්යංශය පෙන්වා දී තිබුණා.
විදේශ කටයුතු අමාත්යංශය ප්රකාශ කළේ, මෙම තීරණයත් සමඟ චීනය ලබන ජනවාරි 5 වැනිදා සිට මැයි මාසය අවසානය දක්වා දකුණු ඉන්දියානු මුහුදු ගැඹුරු ජලයේ පර්යේෂණ කටයුතු කරන ෂියෑන් යැන්ග් හොන්ග් 3 චීන පර්යේෂණ නෞකාව ශ්රී ලංකා වාරයේ නැංගුරම්ලෑමට කළ ඉල්ලීම ප්රතික්ෂේප කිරීම සම්බන්ධයෙන් කතා කිරීමට අවශ්යතාවයක් පැන නොනගින බවයි.
මේ අතර, ගැඹුරු මුහුදේ පර්යේෂණ කටයුතු කිරීමට ෂියෑන් යැන්ග් හොන්ග් 3 නෞකාවට අවසර ලබා නොදෙන ලෙසද ඉන්දියාව ශ්රී ලංකාවට දන්වා සිටියා.