අනවශ්ය පුද්ගලයන්ට ලබා දී ඇති සාම විනිසුරු පත්වීම් අහෝසි කරන බව අධිකරණ, බන්ධනාගාර කටයුතු හා ආණ්ඩුක්රම ව්යවස්ථා ප්රතිසංස්කරණ අමාත්ය ආචාර්ය විජේදාස රාජපක්ෂ මහතා පවසනවා.
ඔහු මේ බව පැවසුවේ, සමාජ ක්රියාකාරීන් සහ දහම් පාසල් ගුරුවරුන් පිරිසකට සාමදාන විනිශ්චයකාර පත්වීම් ලිපි ප්රදානය කිරීමේ වැඩසටහනකට සහභාගි වෙමින්.
පසුගිය කාලයේදී අනවශ්ය පුද්ගලයන්ටත් සාම විනිසුරු පත්වීම් ලබාදී තිබූ බවත්, එවැනි පුද්ගලයන් කිහිප දෙනකුගේ පත්වීම් අහෝසි කළ බවත් අමාත්යවරයා කියා සිටියා.
ආවාට ගියාට තමා සාම විනිසුරු පත්වීම් ලබා නොදෙන බවද අධිකරණ අමාත්යවරයා මෙහිදී සඳහන් කළා.
අමාත්යවරයා වැඩිදුරටත් සඳහන් කළේ, පොලීසිය විසින් ග්රාම සේවක මෙන්ම ආගමික නායකයන්ගෙන් තොරතුරු ලබාගෙන ඉදිරියේදී සාම විනිසුරු පත්වීම් ලබාදෙන බවත්, සාම විනිසුරුවරුන් විසින් තම රාජකාරි අකුරටම ඉටු කිරීම බලාපොරොත්තු වන බවයි.