ඉන්දීය අභ්‍යවකාශ ඒජන්සිය මඟින් දියත් කළ සිය ප්‍රථම සූර්ය ගවේෂණ මෙහෙයුම් යානය වන ආදිත්‍ය L-1 එහි ගමනාන්තයට පැමිණ තිබෙනවා.
ඒ අනුව, එම ස්ථානයේ සිට සුර්යයා අඛණ්ඩව නිරීක්ෂණය කිරීමට මෙම යානයට හැකියාව ලැබෙනු ඇති.
2023 වසරේ සැප්තැම්බර් දෙවැනි දින අභ්‍යවකාශගත කරනු ලැබූ ආදිත්‍ය L-1 යානය සූර්යයා දෙසට ළඟා වීම සඳහා මාස 4ක කාලයක් ගත වී තිබෙනවා.
සඳෙහි දක්ෂිණ ධ්‍රැවය ආසන්නයට ළඟා වීමේ ඓතිහාසික ජයග්‍රහණයෙන් දින කිහිපයකට පසු ඉන්දීය අභ්‍යවකාශ ඒජන්සිය සූර්යයා නිරීක්ෂණය කිරිමේ මෙහෙයුම ආරම්භ කළා.
ආදිත්‍ය L-1 නියමිත ලෙස ස්ථානගත වීමෙන් අනතුරුව ඊට පෘථිවිය හා සමාන වේගයකින් සූර්යයා වටා කක්ෂගත වීමට හැකි වනු ඇති බව ඉන්දීය අභ්‍යවකාශ ඒජන්සිය පෙන්වා දෙනවා.
එමෙන්ම, එම ස්ථානයේ සිට සූර්යයා නිරන්තරයෙන් නිරීක්ෂණය කිරීමට සහ විද්‍යාත්මක අධ්‍යයනයන් සිදු කිරීමට අවස්ථාව සැලසෙනු ඇති බවද තවදුරටත් වාර්තා වෙනවා.
