ක්ෂුද්‍ර මූල්‍ය ණය ගෙවා ගත නොහැකි වූ පවුල් වල කාන්තාවන් දෙසීයකට වැඩි පිරිසක් පසුගිය වසර තුනේදී සියදිවි හානි කරගෙන ඇති බවට තොරතුරු වාර්තා වන බව රත්නපුර දිස්ත්‍රික් මන්ත්‍රී ගාමිණී වලේබොඩ මහතා පවසනවා.
අද පාර්ලිමේන්තුවේදී (12) මූල්‍ය ණය ප්‍රශ්නය විවාදයට ගත් අවස්ථාවේදී ගාමිණී වලේබොඩ මහතා මේ බව සඳහන් කළා.
එහිදී වැඩිදුරටත් අදහස් දැක් වූ ගාමිණී වලේබොඩ මහතා,
“ණය මහත්තයා ගෙදරට එනකොට අපේ මහත්තයා ගෙදරින් එළියට යනවා. ණය මහත්තයා වාරික එකතු කරන්න එන දිනය මට කලින් දැනුම් දෙනවා. මම ඒ බව මගේ මහත්තයට කියනවා. ඉතිං එයත් බිම බලාගෙන ගෙදරින් පිටවෙලා යනවා. වාරික පහක්ම ගෙව්වෙ ඒ විදිහට තමයි. මොකද වුණේ කියලා අපි දෙන්නටම හිතා ගන්නවත් බැහැ.ඒ තරමටම ක්ෂුද්‍ර මූල්‍ය ණය පීඩනය අපි විනාශයට පත්කරලා.”
