කොවිඩ් ආසාදනය වී මහ මඟ වැටී පුද්ගලයින් විශාල පිරිසක් මියගිය බව පවසමින් සමාජ මාධ්‍ය හරහා අසත්‍ය පුවතක් පලකළා යැයි පවසමින් කඩුගන්නාව ප්‍රදේශයේ පදිංචි 35 හැවිරිදි පුද්ගලයෙකු අපරාධ පරීක්ෂණ දෙපාර්තමේන්තුව අත්අඩංගුවට ගෙන ඇත.
මෙලෙස අත්අඩංගුවට ගෙන ඇත්තේ කඩුගන්නාව ප්‍රදේශයේ ගරාජයක් පවත්වාගෙන යනු ලබන අයෙකි.ඔහුට එරෙහිව නිරෝධායන පනත යටත යටතේ සහ අසත්‍ය පුවත් ප්‍රචාරය කිරිම හා මහජනයා අනිසි ලෙස බියට පත්කිරිමේ චෝදනාවන් යටතේ නීතිමය ක්‍රියාමාර්ග ගන්නා බව පොලිස් මාධ්‍ය ප්‍රකාශක අජිත් රෝහණ් මහතා පවසයි.
සමාජ මාධ්‍ය මෙවැනි අසත්‍ය පුවත් පලකල සහ ඒවා හුවමාරු කළ තවත් පුද්ගලයින් සිව්දෙනෙකු ගැන ද අපරාධ පරීක්ෂණ දෙපාර්තමේන්තුව විමර්ශන සිදුකරන බවත් මෙවැනි අසත්‍ය පුවත් පළකරන සහ ඒවා හුවමාරු කරන පුද්ගලයින්ට එරෙහිව දැඩිව නීතිය ක්‍රියාත්මක කරන බවත් පැවසු අතර අසත්‍ය තොරතුරු හුවමාරු කිරිමෙන් වළකින ලෙසද නියෝජ්‍ය පොලිස්පතිවරයා පැවසීය.
