ජාතික කාන්තා එකමුතුවේ නියෝජිතයින් අද (18) කෘෂිකර්ම අමාත්‍යවරයා හමුවීමට අමාත්‍යාංශ පරිශ්‍රයට පැමිණ තිබුණා.
ඒ කැරට්, බෝංචි වැනි එළවළු සහිත එළවළු මල්ලක්ද රැගෙනයි.
එහිදි මාධ්‍ය වෙත අදහස් දැක්වූ එම සංවිධානයේ සභාපති හෂිනි සිල්වා මහත්මිය සඳහන් කළේ වර්තමානයේ එළවළු මිල ගණන් ඉහළ යාම තුළ වේල් තුනම කෑ නිවෙස්වල ආහාර වේල එක් වේලකට සීමා වී ඇති බවයි.
මාලු මිරිස් කිලෝවක් රුපියල් 1500ක්, බෝංචි කිලෝවක් රුපියල් 1600ක් සහ කැරට් කිලෝවක් රුපියල් 2500 ක් දක්වා ඉහළ ගොස් ඇතිබවද ඔවුන් පෙන්වා දුන්නා.
එබැවින් මෙම තත්ත්වය සමනය කිරීමට ආණ්ඩුව වැඩපිළිවෙළක් සකස් නොකළහොත් ඉදිරියේදි කාන්තාවන් එක් රැස් කර මහපාරට පැමිණෙන බවයි.
