රක්ෂිත බන්ධනාගාරගත කළ හිටපු සෞඛ්‍ය අමාත්‍ය කෙහෙළිය රඹුක්වැල්ල මහතාව බන්ධනාගාර රෝහලට ඇතුළත් කර ඇති බව වාර්තා වනවා.
අපරාධ පරීක්ෂණ දෙපාර්තමේන්තුව මඟින් ඊයේ (02) අත්අඩංගුවට ගත් කෙහෙළිය රඹුක්වැල්ල මහතාව අද (03) මාළිගාකන්ද අධිකරණය වෙත රැගෙනවිත් තිබූ අතර එහිදී මේ මස 15 වනදා තෙක් ඔහුව රක්ෂිත බන්ධනාගාරගත කරනු ලැබුවා.
බන්ධනාගාර ගතවන අමාත්‍යවරුන් මීට පෙර සිටම දඩුවමින් ගැලවීමට භාවිතා කරන නින්දිත ක්‍රියාමාර්ගය කෙහෙලිය රඹුක්වැල්ල මහතාද කිසිදු හිරිකිතයකින් තොරව ක්‍රියාවට නැංවීම සමාජ මාධ්‍ය තුළ දැඩිව විවේචනයට ලක්ව තිබෙනවා.
ඊයේ (03) අත්අඩංගුවට ගන්නා තුරුම සෞඛ්‍ය සම්පන්නව සිටි ඔහු හිටිහැටියෙ ඔත්පල වීම වෛද්‍යවරුන්ද අන්ද මන්ද කර ඇති බවට නොඅනුමානයි.
මේ ආකාරයෙන්ම ජීවිතාන්තය දක්වා සිර දඩුවම් ලැබූ දුමින්ද සිල්වා ජයවර්ධනපුර රෝහලට ඇතුළත්වී ජනාධිපති සමාව ලැබෙන තුරුම නේවාසිකව ප්‍රතිකාර ගනු ලැබූවා.
ඒ වන තෙක් නඩුව සඳහාද ගිලන් රථයෙන් හා රෝද පුටුවෙන් අධිකරණයට පැමිණි ඔහු ජනාධිපති සමාවත් සමඟ දේව හාස්කමකින් මෙන් එක්වරම සුවවී රෝද පුටුවෙන්ද නැගිට නිවාස සංවර්ධන අධිකාරියේ සභාපතිවරයා ලෙස වැඩභාර ගනු ලැබූවා.
අනතුරුව යළිත් ජනාධිපති සමාව අභියෝග කරමින් ශ්‍රේෂ්ඨාධිකරණයේ පැවති නඩුවෙන් ඔහුව අත්අඩංගුවට ගන්නා ලෙස ලැබුණු නියෝගයත් සමඟ ඔහු යළිත් ඔත්පල වී ජයවර්ධනපුර ශික්ෂණ රෝහලේ නේවාසිකව වසරකටත් වැඩි කාලයක් පුරා ප්‍රතිකාර ලබමින් සිටිනවා.
