රුපියල් කෝටි 5කට අධික වටිනා රන් ආභරණ සහ රත්රන් ජෙල් තොගයක් කටුනායක ගුවන් තොටුපොළෙන් පිට කිරීමට උත්සාහ කළ ගුවන් තොටුපොළ පෞද්ගලික පිරිසිදු කිරීමේ ආයතනයක සේවිකාවක් අත්අඩංගුවට ගෙන තිබෙනවා.
රේගු මත්ද්රව්ය පාලන අංශයේ නිලධාරීන් පිරිසක් විසින් මෙම කාන්තාව අද (10) පෙරවරුවේ අත්අඩංගුවට ගෙන ඇති බවයි වාර්තා වන්නේ.
මෙලෙස අත්අඩංගුවට ගැනුණු කාන්තාව වේයන්ගොඩ, මිරිදියලන්ද ප්රදේශයේ පදිංචි 55 හැවිරිදි වියේ පසුවන තැනැත්තියක්.
ගුවන් තොටුපොළ තීරු බදු රහිත සාප්පු සංකීර්ණයේ වැසිකිළියක් තුළදී මෙම රන් ආභරණ සහ ජෙල් තොගය අඩංගු පාර්සලය කාන්තාවක් විසින් මෙම සේවිකාවට ලබා දී ඇති බව වාර්තා වනවා.
එය ගුවන් තොටුපොළෙන් පිටත සිටින පුද්ගලයෙකුට ලබාදුන් පසු ඇයට රුපියල් 60,000ක මුදලක් ලබාදෙන බවට අදාළ කාන්තාව විසින් පොරොන්දු වී තිබෙනවා.
එම පොරොන්දුව මත තමන් එම පාර්සලය රැගෙන ගිය බවයි පිරිසිදු කිරීමේ සේවිකාව රේගු නිලධාරීන් හමුවේ පවසා ඇත්තේ.
මෙලෙස අත්අඩංගුවට ගැනුණු පාර්සලය තුළ රත්රන් ආභරණ කිලෝග්රෑම් 01යි ග්රෑම් 400ක් සහ කිලෝග්රෑම් 01යි ග්රෑම් 350ක් බරැති රත්තරන් ජෙල් තොගයක් තිබී සොයාගෙන තිබෙනවා.
රේගු මත්ද්රව්ය පාලන අංශයේ නිලධාරීවරයෙකු සඳහන් වන්නේ, මෙම රත්තරන් ජෙල් තොගය තුළ 95% ක ප්රතිශතයක ප්රමාණයකින් පිරිසිදු රත්තරන් ඇති බවයි.