සෞඛ්‍ය ක්ෂේත්‍රයේ වැඩවර්ජන විලාසිතාවක් බවත් සෞඛ්‍ය වර්ජන විලාසිතාවක් බවට පත්වීම පිළිබඳව සෞඛ්‍ය අමාත්‍යංශය වගකිව යුතු බවත් රජයේ වෛද්‍ය නිලධාරීන්ගේ සංසදයේ සභාපති වෛද්‍ය රුක්‍ෂාන් බෙල්ලන මහතා අද (13) පැවසුවා.
ඔහු මෙම අදහස් පළ කළේ, සෞඛ්‍ය වෘත්තීය සමිති 72 ක් අද (13) පෙරවරුවේ සිට ක්‍රියාත්මක කිරීමට නියමිතව තිබූ වැඩවර්ජනය පිළිබඳව අදහස් දක්වමින්.
සෞඛ්‍ය අමාත්‍යංශය වසා දැමීම වඩාත් සුදුසු යැයි ජනාධිපතිවරයාගෙන් විමසන බවත්, සෞඛ්‍ය වෘත්තිය සමිති 72 ක් ඇති බව කියා සිටියත් සාමාජිකයන් දෙන්නෙක්වත් නොමැති වෘත්තිය සමිති ඇති බවත්, ඔහු සඳහන් කළා.
ඔහු වැඩිදුරටත් කියා සිටියේ, එම වෘත්තිය සමිතිවල සිටින වෘත්තිකයන් රටට අවශ්‍ය නොමැති බවත් වෛද්‍ය, හෙද සහ කළමනාකරණ යන ක්ෂේත්‍ර රෝහලක් තුළ රාජ්‍ය සේවය යටතේ පැවතීම ප්‍රමාණවත් බවයි.
