කොළඹ ප්රදේශ කිහිපයක හෙට (10) සිට පැය 15 ක කාලයක් ජල සැපයුම අත්හිටුවන බව ජාතික ජල සම්පාදන සහ ජලාපවහන මණ්ඩලය පවසනවා.
ඒ අනුව කොළඹ 11,12,13,14, සහ 15 යන ප්රදේශ වලට ජල සැපයුම අත්හිටු වන බව එම මණ්ඩලය සඳහන් කළා.
මෙලෙස අත්හිටුවීමට නියමිතව ඇත්තේ, හෙට සවස 5.00 සිට පසුදින (11) උදෑසන 8.00 දක්වා පැය 15ක කාලයකටයි.
ජාතික ජල සම්පාදන හා ජලාපවහන මණ්ඩලය සඳහන් කර ඇත්තේ, අඹතලේ ජල සැපයුම වැඩි දියුණු කිරීමේ බල ශක්ති සංරක්ෂණ ව්යාපෘතියේ සිදු කෙරෙන අත්යවශ්ය නඩත්තු කටයුත්තක් හේතුවෙන් ජල සැපයුම මෙලෙස අත්හිටුවන බවයි.