වසර මිලියන 240ක් පමණ පැරණි මකරෙකු වැනි සත්ත්වයකුගේ සම්පූර්ණ ෆොසිලයක් සොයාගෙන අවසන් කිරීමට විද්‍යාඥයන් සමත් ව ඇති බව විදෙස් මාධ්‍ය පවසනවා.
2003 වසරේ දී පළමුවෙන්ම මෙම ෆොසිලයේ කොටස් හමු වී ඇත්තේ, දකුණු චීනයේ පැරණි හුණු ගල් නිධියකින්.
පසුව විද්‍යාඥයන් විසින් සිදු කළ පර්යේෂණ අනුව මේ වන විට සම්පූර්ණ ෆොසිලය මතුකර ගෙන තිබෙනවා.
එහි දිග අඩි 16ක් එනම් මීටර් 05ක් පමණ වන බවත් එම ෆොසිලය ඉතා අතීතයේ ජීවත් වූ බවට විශ්වාස කෙරෙන ජලජ උරගයකුගේ බවත් විද්‍යාඥයන් පෙන්වා දෙනවා
“Dinocephalosaurus orientalis” යන විද්‍යාත්මක නමින් හඳුන්වන මෙම සත්ත්වයාගේ අතිශයින් දිගු බෙල්ල හේතුවෙන් එම සත්ත්වයා මකරෙකුගේ ස්වරූපය ගන්නා සත්ත්වයෙකු විය හැකි බවට අනුමාන කෙරෙනවා
මෙම ෆොසිලය අධ්‍යයනය කළ ජාත්‍යන්තර කණ්ඩායමේ සාමාජිකයකු වූ ස්කොට්ලන්තයේ ආචාර්ය නික් ෆ්‍රේසර් පවසා ඇත්තේ, මෙම සත්ත්වයාගේ බෙල්ල, උගේ සිරුර සහ වලිගය යන දෙකෙහිම එකතුවට වඩා දිගින් යුක්ත වන බවයි.
