අමෙරිකාවේ සෙනෙට් සභිකයෙක් එරට දේශපාලන ඉතිහාසයේ දීර්ඝතම සෙනෙට් දේශනය සිදු කර තිබෙනවා.
ඒ පැය 25යි විනාඩි 5ක කාලයක් ඉක්මවා යමින්.
මෙම වාර්තාව පිහිටවූයේ ඩිමොක්‍රටික් පක්ෂයේ නිව්ජර්සි ප්‍රාන්තය නියෝජනය කරන කෝරී බුකර් විසිනි.
සිය දේශනය ආරම්භ කරමින් ඔහු සඳහන් කළේ, සෙනෙට් සභාවේ න්‍යාය පත්‍රයට ඇතුළත්ව ඇති ඩොනල්ඩ් ට්‍රම්ප් ජනාධිපතිවරයා ප්‍රමුඛ රිපබ්ලිකන් පක්ෂයේ කටයුතුවලට බාධා කිරීමේ අරමුණින් තමන් අඛණ්ඩව කථා කිරීමට උත්සහ දරන බවයි.
ඒ අනුව ඔහු කිසිදු විවේකයක් නොගෙන අඛණ්ඩව සෙනෙට් සභාවේ පීඨිකාවේ රැඳී සිටිමින් පැය 25ක කාලයක් සිය දේශනය සිදුකර තිබෙනවා.
අදාළ දේශනයට අමෙරිකාවේ වත්මන් දේශපාලන තත්ත්වය ඩොනල්ඩ් ට්‍රම්ප් සම්බන්ධ විවේචන පමණක් නොව ක්‍රීඩා තොරතුරු සහ කවිපවා ඇතුළත් වී තිබුණා.
විවිධ ප්‍රශ්න ඉදිරිපත් කරමින් ඩිමොක්‍රටික් පක්ෂය නියෝජනය කරන අනෙක් සෙනෙට් සභිකයින්ද දේශනය පවත්වාගෙන යෑමට සහයෝගය පළ කළා.
ඒ අනුව 1957 වසරේ ‘සිවිල් අයිතිවාසිකම් පනත’ සම්මත වීම වැළැක්වීමේ අරමුණින් සෙනෙට් සභික ස්ට්‍රෝම් තර්මන්ඩ් සිදුකළ පැය 24යි මිනිත්තු 18ක දේශනය අභිබවා යාමට අද කෝරී බුකර් සමත් වුණා.
Related
සෙනෙට් මණ්ඩලයේ බලය තීරණය කෙරුණු ජෝර්ජියා ප්‍රාන්තයේ මැතිවරණ ජය ජෝ බයිඩන්ට හිමිවීම සමග ඇමෙරිකානු අගනුවර වූ වොෂිංටනය පුරා කැරැලිකාරී තත්ත්වයක් හටගෙන ඇති අතර වොෂිංටනය තාවකාලිකව වසා දැමීමට බලධාරින් තීරණය කර ඇතැයි සී.එන්.එන් පුවත් සේවය සඳහන් කරයි. ජනාධිපතිවරණයෙන් පසුව ජනාධිපති ඩොනල්ඞ් ට්‍රම්ප් තම නිල ට්විටර් පණිවුඩ හරහා ප්‍රකාශ කළේ තමා මැතිවරණ ප්‍රතිඵලය…
මෙටා ප්‍රධාන විධායක නිලධාරී මාර්ක් සකර්බර්ග්, එක්සත් ජනපද සෙනෙට් සභාවේ පැවති නඩු විභාගයකදී තම දරුවන්ට සමාජ මාධ්‍ය මගින් හානි වූ බව චෝදනා කළ පවුල්වලින් සමාව ඉල්ලා සිටියා. විදෙස් වාර්තා පවසන්නේ, ඔහු සහ TikTok, Snap, X සහ Discord හි ප්‍රධානීන්ව දෙපාර්ශවයේම සෙනෙට් සභිකයින් විසින් පැය හතරකට ආසන්න කාලයක් ප්‍රශ්න කළ බවයි.…
2024 අමෙරිකානු ජනාධිපතිවරණයේ රිපබ්ලිකන් පක්ෂ අපේක්ෂකයා ලෙස හිටපු ජනාධිපති ඩොනල්ඩ් ට්‍රම්ප් නිල වශයෙන් නම් කර තිබෙනවා. ඒ, මිල්වෞකි නගරයේ පැවැත්වෙන රිපබ්ලිකන් පක්ෂ සම්මේලනයේදීයි. රිපබ්ලිකන් පක්ෂ සම්මේලනය විස්කොන්සි ප්‍රාන්තය මිල්වෞකි නගරයේ දී ඊයේ (15) ආරම්භ කළ බව විදෙස් මාධ්‍ය පවසනවා. පෙන්සිල්වේනියා ප්‍රාන්තයේ පැවති මැතිවරණ රැළියකදී වෙඩි ප්‍රහාරයකට ලක්ව සුළු තුවාල ලැබු…
