2021 මහ කන්නයේ වී වගාවට නැනෝ දියර පොහොර ආනයනය නිසා යම් දූෂණයක් සිදුවී ඇත්දැයි සොයා බැලීම සඳහා අමාත්ය මණ්ඩලයේ අනුමැතිය මත උසස් නිලධාරීන්ගෙන් සමන්විත කමිටුවක් පත් කිරීමට තීරණය කර තිබෙනවා.
අද (25) කෘෂිකර්ම අමාත්යාංශයේ පැවැති මාධ්ය හමුවකට එක්වෙමින් අමාත්ය මහින්ද අමරවීර මහතා පැවසුවේ චීන කාබනික පොහොර නෞකාවට මුදල් ගෙවීම හා නැනෝ පොහොර ආනයනය කිරීම යන කරුණු දෙක යටතේ රටේ කෘෂිකර්මාන්තයට කිසිදු ප්රයෝජනයක් සිදු නොවූ බවයි
නැනෝ පොහොර ලීටර් ලක්ෂ 30ක් 2021 වසරේ දී මෙරටට ආනයනය කර තිබෙනවා.
නැනෝ පොහොර ආනයනය සම්බන්ධව යම් දූෂණයක් සිදුවී ඇත්ද යන්න පිළිබඳ දැනට ඉදිරිපත්ව ඇති පෙත්සම් සහ විගණකාධිපති වාර්තාවන් සැලකිල්ලට ගනිමින් පුළුල් විමර්ශනයක් ආරම්භ කිරීමට අමාත්ය මණ්ඩලයේ අනුමැතිය මත අදාල කමිටුව පත්කරන බව අමාත්යවරයා සඳහන් කළා.