මොරටුව සමූපකාර නිලවරණයෙන් ජයගත් කණ්ඩායම එම ජයග්‍රහණය සැමරීම සඳහා රතිඤ්ඤා දැල්වීම හේතුවෙන් සිය ලොරි රථයට හානි වූ හිමිකරු අද (02) සිද්ධිය සම්බන්ධයෙන් මොරටුව පොලිස් ස්ථානයට පැමිණිල්ලක් සිදු කර තිබෙනවා.
මොරටුව විවිධ සේවා සමුපකාර සමිතියේ අධ්‍යක්ෂ මණ්ඩලය තෝරා ගැනිම සඳහා මෙම ඡන්දය පසුගියදා පැවැත්වුණා.
ඡන්දයෙන් ජය ගත් පිරිස සිය ජය සැමරීම සඳහා මහාමර්ගයේ සහ ඒ අවට පරිශ්‍රයේ අසල රතිඤ්ඤා දැල්වූ අතර එහිදී භාණ්ඩ බෙදා හරින කුඩා ලොරි රථයකට රතිඤ්ඤා විසි වීමෙන් ඒ අසළ නවතා තිබූ ලොරි රථයේ වහලයට හානි සිදුව තිබෙනවා.
සිදුවීමට අදාළ ලොරි රථ රියදුරු සිය විරෝධය පළ කිරීමත් සමග එහි උණුසුම් තත්ත්වයක් ඇති වුණු ආකාරය දක්නට ලැබුණා.
