අම්පාර, සංගමන්නකන්ද මුහුදේ ගිලී අතුරුදන් වූ දරුවෙකුගේ මළ සිරුරක් අද(26) උදෑසන හමුව තිබෙනවා.
පොලීසිය සඳහන් කළේ, තිරුක්කෝවිල් මුහුදු වෙරළට ගොඩ ගසා තිබියදී 17 හැවිදිරි දරුවෙකුගේ මළ සිරුර මෙලෙස හමු වූ බවයි.
තිරුක්කෝවිල් සංගමන්නකන්ද මුහුදේ දිය නාමින් සිටි පිය පුතු දෙපළක් ඇතුළු තිදෙනෙක් ඊයේ(25) පස්වරුවේ දියේ ගිලි අතුරුදන් වී තිබුණා.
මෙලෙස අතුරුදන්ව තිබුණේ සංගමන්කන්ද, තණ්ඩිඅඩි ප්‍රදේශයේ පදිංචි මයිල්වානගම් නන්දරාජ් නමැති 38 හැවිරිදි පියා, ඔහුගේ පුතු නන්දරාජ් සිස්කුමාර (15) සහ විද්‍යා රන් ඩිලුෂන් (17) නමැති ඥාති පුත්‍රයෙක්.
දියේ ගිලී අතුරුදන් වූ එම පියා සහ 15 හැවිදිරි දරුවා සොයා මේ වන විටත් මෙහෙයුම් ක්‍රියාත්මක කර තිබෙනවා.
