ඇල්ෆා කොවිඩ් ප්‍රභේදයේ ආසාදිතයෙක්ට වඩා ඩෙල්ටා කොවිඩ් ප්‍රභේදය ආසාදනය වූ පුද්ගලයෙකු විසින් සිය ගුණයකින් පමණ ඉහළ වෛරස ප්‍රමාණයක් වාතයට එක් කරන බව මෙරට සෞඛ්‍ය අංශ පවසනවා.
ඩෙල්ටා කොවිඩ් ප්‍රභේදය ශරීරගතවීමෙන් අනතුරුව දින දෙකක් පමණ ඇතුලත ඉතා විශාල වෛරස ප්‍රමාණයක් ජනනය කරන බවයි මේ සම්බන්ධයෙන් අදහස් දක්වමින් සෞඛ්‍ය ප්‍රවර්ධන කාර්යාංශයේ අධ්‍යක්ෂ විශේෂඥ වෛද්‍ය රංජිත් බටුවන්තුඩාව මහතා පවසන්නේ.
මේ අතර, මෙරටින් නව කොවිඩ් වෛරස ප්‍රභේදයක්ැතිවිය හැකි බව ඖෂධ සහ සෞඛ්‍ය සම්බන්ධ ජාත්‍යන්තර උපදේශක ආචාර්ය සංජය පෙරේරා මහතා පවසනවා.
දේශය පුවත්පත සමග සාකච්ඡාවකට එක්වෙමින් ඒ මහතා පවසන්නේ අගෝස්තු මස අග හෝ සැප්තැම්බර් මාසය පමණ වන විට මෙම ප්‍රභේදයේ ව්‍යාප්තිය ඇරඹෙනු ඇති බවයි.
එමෙන්ම, ඩෙල්ටා ප්‍රභේදය ශීඝ්‍රයෙන් පැතිර යන නිසා මෙරට තුළින් නව වෛරස් ප්‍රභේදයක් බිහිවීමේ හැකියාව ඇති බවත් එය පවතින වෛරසය අභිබවා යාමට සමත් වනු ඇති බවටත් ශ්‍රී ලංකා වෛද්‍ය සංගමයේ සභාපති වෛද්‍ය පද්මා ගුණරත්න මහත්මියද අනතුරු ඇඟවූ බව එම පුවත්පත වාර්තා කරනවා.
