ශ්‍රී ලංකා පොදුජන පෙරමුණේ පාර්ලිමේන්තු මන්ත්‍රී නාමල් රාජපක්ෂ මහතා අද (04) පස්වරුවේ Facebook සජීවී සංවාදයකට එක්වන බව ඒ මහතාගේ නිල ෆේස්බුක් ගිණුමේ සටහන් කර තිබෙනවා.
ඒ අනුව අද රාත්‍රි 08 පටන් රාත්‍රි 09 දක්වා පුරා පැයක කාලයක් අදාළ සංවාදය සඳහා කාලය වෙන්කෙරෙනු ඇති.
නාමල් රාජපක්ෂ මහතා පවසන්නේ අදහස් ප්‍රකාශ කිරිමේ නිදහස හා අයිතිය මූලික මිනිස් අයිතිවාසිකමක් වන විට, එකී අදහස් වලට ගරු කරමින් අසා සිටිමත් සෑම මනුෂ්‍යයෙකුගේම ගෞරවාන්විතව හැසිරිමක් හා එය ප්‍රජාතන්ත්‍රවාදි ලක්ෂණයක් බවයි.
අදාළ සංවාදය පිළිබදව වන දැන්වීමේ ඇති හෑෂ්ටැග් කිහිපයෙහි පොඩි මයිනා සහ නිවන් සුව යන හෑෂ් ටැගයන්ද නාමල් රාජපක්ෂ මහතා විසින් සටහන් කර තිබෙනවා.
මීට හේතුවී ඇත්තේ මීට පෙර ඔහු පවත්වන ලද Facebook සජීවී සංවාදයේදී 90% කට වඩා වැඩි පිරිසක් ඔහුට නිවන් සුව පතා තිබීමයි.
එමෙන්ම තවත් විටෙකදී නාමල් රාජපක්ෂ මහතා ජනහමුවක් පවත්වමින් සඳහන් කළේ තමන්ගේ පියාට ‘මයිනා ‘ යනුවෙන් ආමන්ත්‍රණය කරන්නාක් මෙන් තමන්ටද ‘පොඩි මයිනා’ ලෙස ජනතාව ආමන්ත්‍රණය කරන බවයි.
