යාපනය, කොඩිකාමම්, පේදුරු තුඩුව ප්‍රධාන මාර්ගයේ මාක්කිරායි ප්‍රදේශයේදී අද (12) උදෑසන සිදු වූ අනතුරකින් මාර්ගයක වී වේලමින් සිටි ගොවියෙකු මිය ගොස් ඇතැයි පේදුරු තුඩුව පොලිසිය පවසනවා.
මහකන්නයේ වී අස්වැන්න නෙලීමෙන් පසුව නෙලාගත් වී අස්වැන්න වේලීම සඳහා මාක්කිරායි ප්‍රදේශයේ පිහිටි ප්‍රධාන මාර්ගයට දමා වී වෙලමින් සිටියදී මෙම අනතුර සිදුව ඇති බවයි වාර්තා වෙන්නේ.
පලෙයි සිට පේදුර තුඩුව දෙසට ධාවනය වී ඇති යතුරු පැදියක වී වේලමින් සිටි ගොවියා ගැටී ඇති අතර ඒහිදී බරපතල තත්වයේ සිටි ගොවියා පේදුරු තුඩුව රෝහලට ඇතුලත් කිරීමෙන් පසුව මිය ගොස් තිබෙනවා.
පොලීසිය සඳහන් කරන්නේ, උදෑසන කාලයේ පැවති මීදුම් තත්වය හේතුවෙන් යතුරු පැදිකරුට ගොවියා නොපෙනීමෙන් මෙම අනතුර සිදු වන්නට ඇති බවයි.
මළසිරුර පේදුරුතුව රෝහලේ තැන්පත් කොට ඇති අතර පශ්චාත් මරණ පරීක්ෂණයෙන් අනතරුව ඥාතීන්ට භාරදීමට පියවර ගන්නා බවයි පොලීසිය සඳහන් කර සිටියා.
