කටාර් රාජ්‍යයේ අල්-කීසා ප්‍රදේශයේ පිහිටි තෙමහල් නේවාසිකාගාරයක පසුගිය බදාද (24) සවස ඇතිවූ හදිසි ගින්නක් හේතුවෙන් ශ්‍රී ලාංකික හා නේපාල ජාතික කාන්තාවන් විශාල පිරිසක් තුවාල ලබා ඇති බවට වාර්තා වනවා.
තට්ටු තුනකින් යුත් මෙම මහල් ගොඩනැගිල්ලේ දෙවන මහලේ මෙම හදිසි ගින්න හටගෙන තිබෙනවා.
මෙම ගින්නෙන් බේරිමට එහි නේවාසිකව සිටි ශ්‍රී ලාංකික හා නේපාල් ජාතික කතුන් විශාල පිරිසක් ඉහළ මහලේ සිටි බිමට පැනීම හේතුවෙන් බොහෝ දෙනෙක් තුවාල ලබා තිබෙන අතර එයින් කිහිපදෙනෙකුටම බරපතල තුවාල සිදුව තිබෙන බව පැවසෙනවා.
ගින්න හට ගැනීමෙන් පසුව කටර් රජය විසින් සිය ගිනි නිවන හමුදාව හා ගැලවීම් හමුදාව යොදා ගනිමින් අනතුරට ලක්ව සිටි නේවාසික පිරිස් බේරගැනීමට කටයුතු කර තිබුණා.
ඒ සඳහා කටාර් ගුවන් හමුදාවේ හෙළිකොප්ටර් යානාද යොදාගෙන තිබු බවට වාර්තා වනවා.
ගින්න හටගත් ගොඩනැගිල්ලෙහි කාන්තාවන් හයසියයකට ආසන්න පිරිසක් නේවාසිකව සිට තිබෙනවා.
