මස්කෙළිය පොලිස් වසමට අයත් මාඋස්සාකැලේ වත්තේ වතු නිවාස පෙලක ඊයේ (17) රාත්‍රී 11.30 පමණ ගින්නක් හටගෙන තිබෙනවා.
මස්කෙළිය පොලිසිය පවසන්නේ මෙම ගින්නෙන් නිවාස 8ක් සම්පූර්ණයෙන්ම ගිනිගෙන විනාශ වි ඇති බවයි.
නිවාස 12 කින්‍ සමන්විත එම නිවාස පේළියේ පැතිර යමින් තිබු ගින්‍න පාලනය කිරීමට වතු කම්කරුවන්,පොලිස් නිලධාරින්‍ සහ මාඋස්සාකැලේ යුධ හමුදා කඳවුරේ භට පිරිස් පියවර ගෙන තිබුණා.
ගින්නෙන් කිසිවෙකුටත් තුවාල සිදුවී නොමැති අතර,ගින්නෙන් විනාශ වු නිවාසවල පදිංචි කරුවන්ගේ පෞද්ගලික බඩු බාහිරාදිය සමිපූර්ණයෙන්ම විනාශ වී තිබෙනවා.
ගින්නෙන් සිදුවු අලාභය මෙතෙක් තක්සේරු කර නොමැති අතර,ගින්නට හේතුව විදුලි කාන්දුවක් බවද යන්න පිළිබඳව පරීක්ෂණ පවත්වන මස්කෙළිය පොලිසිය සැක පළ කරනවා.
ගින්නෙන් අවතැන් වු පවුල් අටකට අයත් සමාජිකයන් 21 දෙනෙක් තාවකාලිකව ආරක්ෂිත ස්ථාන කරා ගෙන යාමට එම වතුයායේ පාලන අධිකාරිය පියවර ගෙන තිබුණා.
(හැටන් – රංජිත් රාජපක්ෂ)
