ධීවරයෙකුට මුහුද මැදදී විෂ මොරල්ලෙකු ඇනීම නිසා එම ධීවරයා ඊයේ (02) දින මියගොස් තිබෙනවා.
රෝහල් ආරංචි මාර්ග වාර්තා සඳහන් කරන්නේ විෂ මොරල්ලගේ තුඩෙන් මෙම ධීවරයාගේ ගෙළ සිදුරු වී ඇති බවයි.
අනතුරුව එම ධීවරයා සමග බෝට්ටුවේ සිටි සෙසු ධීවරයින් තුවාල ලැබූ ධීවරයා රැගෙන ගොඩ බිමට පැමිණ යාපනය ශීක්ෂණ රෝහලට ඇතුළත් කිරීමට පියවර ගෙන තිබුණා.
එහිදී ධීවරයා මියගොස් තිබෙන අතර මෙසේ මියගොස් ඇත්තේ යාපනයේ ගුරුනගර්, පස්වන පටුමගේ පදිංචිව සිටි 29 හැවිරිදි මයිකල් කොලින් ඩිනෝ නමැති දෙදරු පියෙක්.
මේ අතර ධීවරයින් ප්රකාශ කරන්නේ මෙම විෂ සහිත මොරල්ලා මත්ශ්යයින් මුහුදු ජලයේ සිටිමින් එක්වරම උඩට පැන ධීවරයින්ට ප්රහාර එල්ල කරන බවයි.
මුහුදේ සිටින ජෙලිෆිෂ් මත්ස්යයින්ට වඩා වැඩි විෂක් මේ මොරල්ලන් විශේෂයේ ඇති බවත් එම මත්ස්ය ප්රහාරයට ගොදුරු වන්නන්ගේ ජීවිත බේරෙන්නේ ඉතා කලාතුරකින් බවත් ඔවුන් පවසනවා.
මියගිය ධීවරයා සම්බන්ධයෙන් පශ්චාත් මරණ පරීක්ෂණය යාපනය ශීක්ෂණ රෝහලේදී පැවැත්වීමට නියමිතයි.