වත්මන් ආණ්ඩුවේ මැති ඇමතිවරුන් පිරිසක් සහ ශ්‍රී ලංකා පොදුජන පෙරමුණ පක්ෂයෙන් ගැලවී වෙන කණ්ඩායමක් ලෙස සංවිධානය වීමේ සුදානමක් පවතින බව වාර්තා වනවා.
දේශපාලන ආරංචි මාර්ග වාර්තා සඳහන් කරන්නේ මේ සඳහා ආණ්ඩුවේ කැබිනට් සහ රාජ්‍ය අමාත්‍යධුර දරන පිරිසක් මේ සඳහා මුලිකත්වය ගෙන ඇති බවයි.
තනතුරු නොමැති පොහොට්ටු මන්ත්‍රීවරුන් පිරිසක් ද ඊට සඳහා සම්බන්ධ වීමේ සුදානමක් පවතින බවද වර්තා වනවා.
ඒ අනුව මෙම පිරිසගේ මුලික අරමුණ වී ඇත්තේ මීළඟ මැතිවරණයේ දී එක්සත් ජාතික පක්ෂය සමඟ සෘජුව සම්බන්ධ නොවී වෙනම කණ්ඩායමක් ලෙස එජාපය හා සන්ධානගත වීමයි.
කෙසේ වෙතත් මේ වන විට පොදුජන පෙරමුණෙන් පාර්ලිමේන්තුවට පත්වූ ඩලස් අලහප්පෙරුම ඇතුළු කණ්ඩායමක් සහ අනුර ප්‍රියදර්ශන යාපා මහතාගේ නායකත්වයෙන් යුත් කණ්ඩායමක් වෙනම කණ්ඩායමක් ලෙස කටයුතු කරනු ලබනවා.
