සුපිරි වෙළඳසැලකින් රුපියල් 6000ත් පමණ වටිනා කිරිපිටි පැකට් සොරාගෙන ආරක්ෂක නිලධාරීන්ට ගල්වලින් පහර දී පලාගිය කාන්තාවක් අත්අඩංගුවට ගත් බව කුරුදුවත්ත පොලීසිය පවසනවා.
පොලීසිය පවසන්නේ, සැකකාරිය සමග සොරාගෙන තිබූ කිරිපිටි පැකට් දෙකද පොලිස් භාරයට ගෙන තිබෙන බවයි.
කුරුදුවත්ත වෝඩ් පෙදෙසේ සුපිරි – වෙළඳසැලකින් ළදරු කිරිපිටි පැකට් දෙකක් සොරාගන් කාන්තාවක් එයින් පිටවන අවස්ථාවේදී ආරක්ෂක නිලධාරීන් අල්ලා ගැනීමට උත්සහ කිරීමත් සමගම ගල්වලින් පහරදී පලාගිය බවට කුරුඳුවත්තේ පොලිසියට ලද තොරතුරකට අනුව ජංගම සංචාරයේ යෙදී සිටි නිලධාරීන්ට තොරතුරු ලබාදී තිබුණා.
පසුව කුරුඳුවත්ත රෝහල් චතුරස්‍රය අසලදී සැකකාරීය අත්අඩංගුවට ගෙන තිබෙනවා.
අත්අඩංගුවට ගත් සැකකාරිය වැල්ලම්පිටිය සහ කෑගල්ල ප්‍රදේශවල ලිපිනයන් දෙකක පදිංචි වයස අවුරුදු 32 හැවිරිදි අයෙක්.
සිද්ධිය සම්බන්ධයෙන් කුරුඳුවත්ත පොලිසිය වැඩිදුර විමර්ශන සිදුකරනු ලබනවා.
