ශ්‍රී ලංකා නීතිඥ සංගමය විසින් ශ්‍රේෂ්ඨාධිකරණයට විනිසුරුවරුන් පත් කිරීම සම්බන්ධයෙන් එම සංගමයට ඇති ගැටළු සහගත තත්ත්වයන් ගෙනහැර දක්වමින් ජනාධිපති අනුර කුමාර දිසානායක වෙත ලිපියක් යොමු කර තිබෙනවා.
ජනවාරි 08 වැනිදා යොමු කර ඇති එම ලිපියෙහි දැක්වෙන්නේ, එවැනි පත්වීම්වලදී විනිවිදභාවය, කුසලතාවය, නීතිමය සහ සදාචාරාත්මක ප්‍රමිතීන් පිළිපැදීමේ වැදගත්කමයි.
පුරවැසියන්ගේ අයිතිවාසිකම් ආරක්ෂා කිරීමේදී සහ නීතියේ ආධිපත්‍යය සහතික කිරීමේදී අධිකරණයේ වැදගත් කාර්යභාරය ද ඔවුන් එහිදී සඳහන් කර තිබෙනවා.
අධිකරණ පද්ධතිය කෙරෙහි මහජන විශ්වාසය පවත්වා ගැනීම සඳහා විනිසුරුවරුන් පත් කිරීමේ ක්‍රියාවලිය ජ්‍යෙෂ්ඨත්වය, සුදුසුකම් සහ කුසලතාව මත පදනම් විය යුතු බවත් එහි සඳහන්.
එම සංගමය විසින් ශ්‍රේෂ්ඨාධිකරණයේ පුරප්පාඩු හතරක් පවතින බව ද පෙන්වා දුන් අතර, මෙම තනතුරු පිරවීම අධිකරණයට සහ පුළුල් නීති පද්ධතියට සැලකිය යුතු බලපෑමක් ඇති කළ හැකි බව අවධාරණය කර තිබෙනවා.
පත්වීම් අඛණ්ඩතාව, ස්වාධීනත්වය සහ නිපුණතාවය පිළිබිඹු කරන බව සහතික කරන නිර්ණායක අනුගමනය කරන ලෙසයි එම සංගමය රජයෙන් වැඩිදුරටත් ඉල්ලා සිටින්නේ.
එම ලිපිය පහතින්,
