වැලිමඩ සිට හැටන් දක්වා එළදෙනුන් අටදෙනෙක් ප්‍රවාහනය කරමින් තිබූ ලොරි රථයක්, හැටන් – නුවරඑළිය ප්‍රධාන මාර්ගයේ, නානුඹය රදැල්ල කෙටි මාර්ගයේ, සමසෙටි වත්ත ප්‍රදේශයේදී අනතුරකට ලක්ව තිබෙනවා.
නානුඹය පොලිසිය පැවසුවේ, මෙම අනතුර සිදුව ඇත්තේ අද (18) අලුයම 1ට පමණ බවයි.
අනතුරින් ලොරි රථයේ රිය සහයකයා සහ ප්‍රවාහනය කරමින් සිටි එළදෙන්නුන් දෙදෙනෙකු බරපතළ ලෙස තුවාල ලබා ඇති බවයි සිද්ධිය පිළිබඳ පරීක්ෂණ පවත්වන නානුඹය පොලිසිය සඳහන් කළා.
එමෙන්ම, මෙම අනතුරින් ලොරි රථයටද දැඩි අලාභ හානි සිදුව ඇති බවද පොලිසිය වැඩිදුරටත් පවසා සිටියා.
