මැතිවරණ සමයේදී ගන්නාවූ තීරණ දැනුම් දෙන ලෙස මැතිවරණ කොමිෂන් සභාව සියලු අමාත්‍යාංශ වලට සහ රාජ්‍ය ආයතන වලට දැනුම් දී තිබෙනවා.
එම කොමිෂන් සභාවේ ප්‍රකාශකයෙක් පැවසුවේ, සමහර අමාත්‍යාංශ සමහර තීන්දු මැතිවරණ කොමිෂන් සභාවට දැනුම් නොදී කටයුතු කර ඇති හෙයින් මෙම පියවර ගත් බවයි.
කොමිසම පසුව ඒ පිළිබඳව දැනුම්දී එම වැරදි නිවැරදි කළ බවද එම ප්‍රකාශකයා සඳහන් කළා.
අමාත්‍යාංශ ඇතුළු රජයේ ආයතන ගන්නා වූ ඇතැම් තීරණ නිදහස් හා ස්වාධීන මැතිවරණයකට බාධා විය හැකි හෙයින් කොමිසම මෙම තීරණය ගෙන තිබෙනවා.
මේ අතර පළාත් පාලන මැතිවරණයේදී රාජ්‍ය දේපළ පරිහරණය වැළැක්වීම සඳහාද ඉදිරියේදී රාජ්‍ය නිලධාරීන්ට උපදෙස් ලබාදීමට නියමිතව ඇති බව මෙම කොම්ෂන් සභා ආරංචි මාර්ග සඳහන් කළා.
පළාත් පාලන මැතිවරණය මැයි මස 06 වැනිදා පැවැත්වීමට නියමිතයි.
