පොලිස් මාධ්ය ප්රකාශක නියෝජ්ය පොලිස්පති නිහාල් තල්දූව මහතා බත්තරමුල්ල සුහුරුපාය ගොඩනැගිල්ලේ පිහිටි පොලිස් මාධ්ය කොට්ඨාසයේ අද (31) ප්රවෘත්ති සාකච්ඡාවක් කැදවා තිබුණා.
එහිදී මාධ්යවේදීන් මේ වන විට අත්අඩංගුවට ගෙන සිටින හිටපු රාජ්ය අමාත්ය ලොහාන් රත්වත්තේ මහතා සම්බන්ධයෙන් පොලිස් මාධ්ය ප්රකාශකවරයා ගෙන් කරුණු විමසා සිටියා.
ඊට පිළිතුරු දෙමින් පොලිස් මාධ්ය ප්රකාශකවරයා දිගින් දිගටම ‘ ලොහාන් රත්වත්තේ රාජ්ය අමාත්යවරයා’ලෙස සඳහන් කරමින් පිළිතුරු දීම මාධ්යවේදීන්ද පුදුම කරන කරුණක් වූවා.
මේවන විට කිසිදු තනතුරක් නොදරන අත්අඩංගුවටද ගෙන සිටින හිටපු රාජ්ය අමාත්යවරයෙක් හට අමාත්යවරයෙක් යැයි ආමන්ත්රණය කරමින් ගෞරවයෙන් නිහාල් තල්දූව මහතා ආමන්ත්රණය කිරීම මේ වන විට සමාජ මාධ්යවලද වැඩි කතාබහට ලක්ව තිබෙනවා.
කුප්රකට මැර අතීතයකින් හෙබි ලොහාන් රත්වත්තේ හට මේ තරම් ගෞරවයක් ලබා දුන්නද පසුගිය ජනාධිපතිවරණ සමයේ ඔහු සඳහන් කළේ තමන් ජීවත්ව සිටින තාක් කල් අනුර කුමාර දිසානායක මහතා හට ජනාධිපති ධූරයට පත්වීමට ඉඩ නොතබන බවයි.
ආයුධ භාවිතා කිරීම මෙන්ම අමාත්ය ධූරයද අවභාවිතා කිරීම සම්බන්ධයෙන් ඔහුට අවස්ථා ගණනාවකදී චෝදනා එල්ල වුණා.
මීට අමතරව පොලිස් මාධ්ය ප්රකාශකවරයා අද කැඳවූ ප්රවෘත්ති සාකච්ඡාවේ වැදගත්කම වනුයේ එය පැවැත්වෙන බවට මාධ්ය නිවේදනයක්ද ප්රකාශයට පත්කර තිබීමයි.
