අද (07) පාන්දර පොළොන්නරුව – බකමුණ මාර්ගයේ සිදුවූ වනඅලි ප්‍රහාරයකින් පුද්ගලයෙක් ජීවිතක්ෂයට පත්ව තිබෙනවා.
මෙලෙස ජීවිතක්ෂයට පත්ව ඇත්තේ, 28 හැවිරිදි දිනේෂ් සඳරුවන් නැමැති තරුණයෙක්.
එම තරුණයා පැදවූ වෑන් රථය මාර්ගයේ සිටි වනඅලියෙකුගේ ගැටී ඇති අතර, එහිදී කුපිත වූ වනඅලියා එම වෑන් රථය යෝධ ඇළට පෙරළා තිබුණා.
සිද්ධිය වන අවස්ථාවේදී ඔහු පමණක් වෑන් රථයේ සිට ඇති අතර, විනෝද චාරිකාවක ගොස් සිටි පිරිසක් නිවෙස් වෙත ඇරලවා නැවත ආපසු එමින් සිටියදී ඔහු මෙම අනතුරට මුහුණපා තිබෙනවා.
