පයාගල පොලීසියේ සිරමැදිරියේ රඳවා සිටි සැකකරුවෙකු හිසට සිදුවූ තුවාල සහිතව අද (03) රෝහල්ගත කර ඇති බව කළුතර නාගොඩ ශීක්ෂණ රෝහල් ආරංචි මාර්ග සඳහන් කරනවා.
මෙසේ රෝහල්ගත කර ඇත්තේ පයාගල, ඈතගම ප්‍රදේශයේ පදිංචි පුද්ගලයෙක්.
රෝහල්ගත කර ඇති පුද්ගලයා විවෘත වරෙන්තුවක් මත අත්අඩංගුවට ගෙන පයාගල පොලීසියේ සිරමැදිරියේ රඳවා සිට ඇති බවයි වාර්තා වෙන්නේ.
සිරමැදිරියේ රඳවා සිටි සැකකරු කිසියම් හදිසි අසනීප තත්ත්වයක් හේතුවෙන් අද දහවල් සිරමැදිරිය තුළ ඇද වැටී ඇති අතර ඔහුගේ හිසට තුවාල සිදුවී ඇති බවද සඳහන් වෙනවා.
මේ වන විට සැකකරු කළුතර නාගොඩ ශික්ෂණ රෝහලේ පොලිස් ආරක්ෂාව යටතේ නේවාසිකව ප්‍රතිකාර ලබමින් සිටිනවා.
