2019 අප්රේල් මාසයේ පාස්කු ප්රහාරය එල්ල වූ අවස්ථාවේ කටාන පොලිස් ස්ථානයේ රාජකාරියේ යෙදී සිටි බුද්ධි අංශ පොලිස් සැරයන්වරයෙකු තමාට පැවරුණු රාජකාරිය ඉටු නොකිරීම හේතුවෙන් ඔහුගේ සේවය අත්හිටුවා තිබෙනවා.
නිවේදනයක් නිකුත් කරමින් පොලිස් මාධ්ය ප්රකාශක කාර්යාලය පවසන්නේ මෙම නිලධාරියාට විරුද්ධව පවත්වන ලද මූලික විමර්ශනයේ දී විනය කඩ කිරීම සම්බන්ධයෙන් චෝදනා 12ක් යටතේ චෝදනා පත්රයක් ඉදිරිපත් කළ බවයි.
එහිදී සියළුම චෝදනාවලට වරද පිළිගත් බැවින් ඔහුව සේවයෙන් පහ කිරීම සඳහා පොලිස්පතිවරයා විසින් තීරණය කර තිබෙනවා.
මේ අනුව ඔහු 2023.06.14 වනදා සිට සේවයෙන් පහ කරමින් පොලිස් මුලස්ථානය විසින් එම නියෝගය නිකුත් කර ඇති බව සඳහන්.