ඉන්දියාවේ ප්‍රධාන පෙළේ දේශපාලනඥයෙක් වන බාබා සිදික් ව පසුගිය 12 වැනිදා රාත්‍රියේ වෙඩිතබා ඝාතනය කර ඇති බව විදෙස් මාධ්‍ය වාර්තා කරනවා.
පාලක භාරතීය ජනතා පක්ෂය හා සම්බන්ධ දේශපාලනඥයෙක් වූ බාබා සිදික් ව ඔහුගේ පුත්‍රයාගේ දේශපාලන කාර්යාලය අසලදී මෙලෙස වෙඩිතබා ඝාතනය කර තිබුණා.
66 හැවිරිදි සිදික් ගේ ඝාතනය සම්බන්ධයෙන් සැකකරුවන් දෙදෙනෙකුව මේ වන විට අත්අඩංගුවට ගෙන තිබෙනවා.
හිටපු ප්‍රාදේශීය අමාත්‍යවරයෙක් වන සිදික් මහාරාෂ්ට්‍ර ප්‍රාන්තයේ ප්‍රමුඛ පෙළේ දේශපාලඥයෙක් වන අතර, එම ප්‍රාන්ත මැතිවරණය ලබන මස පැවැත්වීමට නියමිතයි.
පසුගිය පෙබරවාරි මාසයේදී ඔහු ඉන්දීය ප්‍රධාන විපක්ෂය වන කොංග්‍රස් පක්ෂයෙන් ඉවත්වී ඊට සම්බන්ධයක් නොමැති ජාතික කොංග්‍රස් පක්ෂය හා සම්බන්ධ වී තිබෙනවා.
