අරගල සමයේ මැයි නවය ගැටුම් වලදී සෙවනගල ප්‍රෙද්ශයේ ගිනිගත් නිවසකට හිමිවු වන්දි මුදල ලබාගත් රාජපක්ෂවරයෙක් පිළිබඳ ලැයිස්තුවක් ඉතා ඉක්මනට පැමිණීමට නියමිත බව ජනාධිපති අනුර කුමාර දිසානායක මහතා පැවසුවා.
අනුර දිසානායක මහතා මෙහිදි කියා සිටියේ වන්දි මුදල ලබාගත් රාජපක්ෂවරයා ගිනිගත් නිවසේ හිමිකරු නොවන බවයි.
මෙම ඉඩමේ ඔප්පුව වෙන අයකුගේ නමකට තිබෙන බවත් ගෙදර ඔප්පුව තවත් අයකුගේ නමකට තිබෙන බව තවදුරටත් අදහස් දක්වමින් ජනාධිපතිවරයා පැවසුවා.
නමුත් මෙම නිවසට අදාල වන්දි මුදල ලබාගෙන තිබෙන්නේ රාජපක්ෂ කෙනෙක් බව අනුර කුමාර මහතා මෙහිදී අනාවරණය කළා.
ඊට අදාළ වාර්තාව ළඟදී තමාට ලැබුණ බව පැවසු ජනාධිපතිවරයා එය තවම පාර්ලිමේන්තුවට ඉදිරිපත් නොකළ බව පවසා සිටියා.
බුත්තල ප්‍රෙද්ශයේ අද(31) පැවති ජන රැළියකදී ජනාධිපතිවරයා මේ බව සඳහන් කළා.
