ඩෙංගු රෝගින්ගේ ශීඝ්‍ර පහළ යාමක්

ජනවාරි මාසයට සාපේක්ෂව පෙබරවාරි මාසය තුළ වාර්තා වී ඇති ඩෙංගු රෝගින්ගේ සංඛ්‍යාවේ ශීඝ්‍ර පහළ යාමක් පෙන්නුම් කරන බව ජාතික ඩෙංගු මර්දන ඒකකය පවසනවා.

කෙසේ වෙතත්, මේ වසරේ ගත වූ කාලසීමාව තුළ ඩෙංගු මරණ 05ක් වාර්තා වී ඇති බව එම ඒකකය සඳහන් කරනවා.

ජනවාරි මාසය වන විට 60කට අධික සංඛ්‍යාවක පැවති ඩෙංගු අධිඅවදානම් කලාප සංඛ්‍යාවද 24ක් දක්වා පහත බැස තිබෙනවා.

ඒ අනුව, පෙබරවාරි මාසයේ ගත වූ කාලය තුළ ඩෙංගු රෝගින්ගේ සංඛ්‍යාව 5,181ක් බව ජාතික ඩෙංගු මර්දන ඒකකය සඳහන් කර තිබෙනවා.

එහෙත් ජනවාරි මාසයේ දී මෙරටින් ඩෙංගු රෝගින් 10,417 දෙනෙකු හඳුනා ගැනුණු අතර, එය පසුගිය වසරේ ජනවාරි මාසයට සාපේක්ෂව ඉතා ඉහළ සංඛ්‍යාවක් බව සඳහන්.

ඒ අනුව, මේ වසරේ ගත වූ කාල සීමාව තුළ ඩෙංගු රොගින් 15,598 දෙනෙකු මෙරටින් හඳුනාගෙන තිබුණා.

පෙබරවාරි මාසයේදී  වැඩිම රෝගින් සංඛ්‍යාවක් කොළඹ දිස්ත්‍රික්කයෙන් හඳුනාගෙන ඇති අතර, එම සංඛ්‍යාව 3,359ක්.

යාපනය දිස්ත්‍රික්කයෙන් ඩෙංගු රෝගින් 3,245 දෙනෙකු හඳුනාගෙන ඇති අතර, ගම්පහ දිස්ත්‍රික්කයෙන් රෝගින් 1,324ක් සහ මහනුවර දිස්ත්‍රික්කයෙන් රෝගින් 1,052ක් හඳුනාගෙන තිබෙනවා.