අතිශය දුර්ලභ කුරුළු උණ ප්‍රභේදයක් වන H10N3 ප්‍රභේදය මිනිසෙකු වෙත ආසාධනය වූ පළමු අවස්ථාව චීනයෙන් වාර්තා වී තිබේ.
41 හැවිරිදි පුද්ගලයාට වෛරසය ආසාධනය වී ඇති ආකාරය මෙතක් හෙළි කර නොමැත.
කෙසේ වෙතත් මෙය මිනිසෙකුගෙන් මිනිසෙකුට පහසුවෙන් පැතිර නොයන බව සඳහන් වේ.
පසුගිය සතියේ දී චීනයේ ජියැන්ග්සු පළාතෙන් පළමු වරට මෙම රෝගියා අනාවරණය විය.
ඔහු මේ වන විට සම්පූර්ණ සුවය ලබා ඇතැයි එරට සෞඛ්‍ය අංශ පවසයි.
කුරුළු උණ රෝගයේ ප්‍රභේද බොහොමයක් ඇති මුත් කුකුළු මස් සමඟ ගැටෙන පුද්ගලයින් වෙත එය ආඅසාධනාය වන බවට සිදුවීම් මෙතෙක් වාර්තා වී නොතිබුණි.
අදාළ ආසාධිත පුද්ගලයා සමඟ සම්බන්ධතා පැවත්වූ කිසිවකුට වෛරසය ආසාධනය වී නොමැති බව ද සෞඛ්‍ය අංශ පවසයි.
මෙය කුකුළන් මාර්ගයෙන් මිනිසුන්ට සම්ප්‍රේෂණය වන බව ද ඔවුන් සඳහන් කර ඇත.
මහා පරිමාණයෙන් පැතිර යාමේ අවධානමක් නැතැයි චීන සෞඛ්‍ය අංශ සඳහන් කර තිබේ.
