ශ්‍රී ලංකා රේගුව පසුගිය වසරේදී රුපියල් ට්‍රිලියන 1.515ක් ඉක්මවූ ආදායමක් වාර්තා කර ඇති බව රේගු මාධ්‍ය ප්‍රකාශක, අතිරේක රේගු අධ්‍යක්ෂ ජනරාල් සීවලී අරුක්ගොඩ මහතා පවසනවා.
ඔහු ප්‍රකාශ කළේ, ශ්‍රී ලංකා රේගුව ඉතිහාසයේ වසරක් තුල ලබාගත් ඉහළ ම ආදායම මෙය බවයි.
ඒ අනුව, රජය විසින් 2024 වසර සඳහා ලබා දී තිබූ රුපියල් ට්‍රිලියන 1.533 ක ආදායම් ඉලක්කය ආසන්නයට ම සපුරා ගැනීමට ශ්‍රී ලංකා රේගුවට හැකිවී තිබුණා.
රජයේ බදු ප්‍රතිපත්තිය, ආනයන ප්‍රමාණය ඉහළ යාම හා විශේෂයෙන් රේගු කළමනාකාරිත්වය විසින් සිදු කරනු ලද බදු එකතු කිරීමේ ක්‍රියාවලිය කාර්යක්ෂම කිරීම සඳහා ගනු ලැබූ ප්‍රතිසංස්කරණ හේතුවෙන් මේ අයුරින් වාර්තාගත ආදායමක් උපයා ගැනීමට හේතු වූ බව මාධ්‍ය ප්‍රකාශකවරයා සඳහන් කළා.
