පාර්ලිමේන්තු වෙබ් අඩවියේ සඳහන් සියලුම මන්ත්‍රීවරුන්ගේ තොරතුරු නැවත පරීක්ෂා කර යාවත්කාලීන කිරීමේ කටයුතු මේ වන විට ක්‍රියාත්මක වෙමින් පවතින බවට තොරතු වාර්තා වෙනවා.
පාර්ලිමේන්තු වෙබ් අඩවියේ මැති ඇමතිවරුන්ගේ නම් සමඟ සඳහන් කර ඇති අධ්‍යාපන සුදුසුකම් ඇතුළු තොරතුරු සම්බන්ධයෙන් සමාජයේ කතාබහක් මතු වීමත් සමඟ මෙම තොරතුරුවල නිරවද්‍ය බව සාක්ෂාත් කර ගැනීම සඳහා මෙලෙස පියවර ගෙන තිබෙනවා.
ඒ අනුව, වෙබ් අඩවියේ තොරතුරු යාවත්කාලීන කිරීම භාරව සිටින නිලධාරීන්ගෙන් පැහැදිලි කිරීම් ලබා ගැනීමටද පාර්ලිමේන්තු බලධාරීන් තීරණය කර තිබෙනවා.
පාර්ලිමේන්තු වෙබ් අඩවියේ අධිකරණ අමාත්‍ය නීතිඥ ගරු හර්ෂණ නානායක්කාර මහතාගේ නම ඉදිරියේ සඳහන් ව තිබු ආචාර්ය නාමය සම්බන්ධව පාර්ලිමේන්තුව ඊයේ (13) නිවේදනයක් නිකුත් කළා.
එම නිවේදනයේ සඳහන් වුණේ පාර්ලිමේන්තු වෙබ් අඩවියේ මන්ත්‍රීවරයන්ගේ නාමාවලිය තුළ අමාත්‍ය නීතිඥ ගරු හෂණ නානායක්කාර මහතාගේ නම ඉදිරියේ ආචාරය යනුවෙන් සඳහන් වීම අදාළ තොරතුරු ඇතුළත් කිරීමේදී අතපසු වීමකින් සිදු වූවක් බවයි.
