රත්ගම, විජයරත්න මාවත දුම්රිය හරස් මාර්ගයේදී යතුරුපදියකින් ගමන් ගත් නාවික හමුදා සෙබළකු දුම්රියක ගැටීමෙන් ඔහු එම ස්ථානයේදීම මිය ගොස් ඇති බව රත්ගම පොලිසිය පවසනවා.
මෙලෙස මියගොස් ඇත්තේ, බද්දේගම ප්‍රදේශයේ පදිංචි බූස්ස – පිටිවැල්ල නාවික හමුදා කඳවුරේ සේවය කරමින් සිටි නාවික සෙබළෙක්.
මරදාන සිට බෙලිඅත්ත බලා ධාවනය වෙමින් තිබූ දුම්රියේ ගැටීමෙන් මෙම අනතුර සිදුව තිබෙනවා.
නාවික හමුදා සෙබළා රාජකාරිය නිම කොට යතුරුපැදියෙන් නිවස බලා යමින් සිටිය දී දුම්රියේ ගැටී තිබුණා.
සිද්ධිය සම්බන්ධයෙන් රත්ගම පොලීසිය වැඩිදුර විමර්ශන සිදු කරමින් පවතිනවා.
