අන්තර්ජාල වීඩියෝ ක්‍රීඩා වෙනුවෙන් ලක්ෂ ගණනක දේපළ විකුණා දමමින් එම ක්‍රීඩාවල නිරත වූ 18 හැවිරිදි පාසල් සිසුවෙකු පොලිසිය ඊයේ (03) අත්අඩංගුවට ගනු ලැබුවා.
මෙසේ අත්අඩංගුවට පත්ව ඇත්තේ මාරවිල කටුනේරිය ප්‍රදේශයේ පදිංචි උසස් පෙළ සිසුවක්.
ඔහුගේ මව සහ පියා ඉතාලියේ රැකියාවට ගොස් සිටින අතර අදාල සිසුවා සීයා හා මිත්තනියගේ රැකවරණය යටතේ ජිවත් වන බව මූලික පරික්ෂණවලින් අනාවරණය වි ඇත.
නිවසේ තිබූ යතුරුපැදියක් එක්වරම අතුරුදන්වීම සම්බන්ධයෙන් නිවැසියන් විසින් පොලිසියට පැමිණිලි කර ඇති අතර ඉන්පසු පොලිසිය ඒ පිළිබඳ ව පරීක්ෂණ ආරම්භ කර ඇත. සිසුවා විසින් යතුරුපැදිය ඉතා අවම මුදලකට අලෙවි කර ඇති බව එහි දී අනාවරණ වී ඇත.
අපොස උසස් පෙළ විභාගයට පෙනි සිටිම සදහා ලබා දුන් පරිඝණකයෙන් ඔහු ක්‍රීඩා කිරීමට යොමු වූවත් නිසි සොයා බැලීමක් නොමැති කමින් පසුව එය ඇබ්බැහියක් දක්වා වර්ධනය වී ඇති බවත් මෙම සිසුවා එක්වරකට විශාල මුදලක් වැය කරමින් ක්‍රීඩා කිරීමට ඇබ්බැහිව ඇති බවත් මෙහිදී අනාවරණය වී තිබේ.
කෙසේ නමුත්, පොලිසිය දිගින් දිගටම කල විමර්ශන වලින් පසුව අනාවරණය වි ඇත්තේ මෙම සිසුවා තම මවගේ හා මිත්තනියගේ ලක්ෂ පහකට වැඩි වටිනාකමින් යුත් රන් ආභරණද සොරකම් කර එයින් ලද මුදලින්ද මෙලෙස ක්‍රීඩාවේ නිරත වි ඇති බවයි
