මෝදර පොලිස් වසමේ දී ඊයේ (13) රාත්‍රියේ වෙඩිතැබීමක් සිදුව තිබෙනවා.
පොලීසිය සඳහන් කළේ, වෙඩිතැබීමෙන් පුද්ගලයෙකු තුවාල ලබා කොළඹ ජාතික රෝහලට ඇතුළත් කළ බවයි.
එලෙස තුවාල ලබා ඇත්තේ අවුරුදු 51 ක්වූ මහවත්ත පටුමඟ, කොළඹ 14 යන ලිපිනයේ පදිංචිකරුවෙක්.
තුවාලකරු මෝදර වීදිය ප්‍රදේශයේ පිහිටි අවන්හලක කළමනාකරු වශයෙන් සේවය කරන අතර, ඔහු එම අවන්හලේ ගේට්ටුව ආසන්නයේ සිටිය දී කාර් රථයකින් පැමිණි නාඳුනන පුද්ගලයින් විසින් මෙම වෙඩිතැබීම සිදුකර පළා ගොස් තිබෙනවා.
වෙඩිතැබීමට හේතුව මෙතෙක් අනාවරණය වී නැහැ.
