ශීතකරණයෙන් විදුලි සැර වැදුණු කුඩා දරුවෙක් ජීවිතක්ෂයට පත්ව තිබෙනවා.
අත්තනගල්ල පොලිසිය සඳහන් කළේ අදාළ දරුවා නිවසේ කෑම කාමරයේ තිබූ ශීතකරණයේ පහළ කොටසට අත දැමූ අවස්ථාවේදී විදුලි සැර වැදී ඇති අතර වතුපිටිවල රෝහලට ඇතුළත් කිරීමේදී ඔහු මිය ගිය බවයි.
මෙසේ මිය ගොස් ඇත්තේ පළමු වසරේ ඉගෙනුම ලැබු වයස අවු 06 ක පිරිමි දරුවෙක්.
මෙම දරුවා නිවස ඇතුළත් සෙල්ලම් කරමින් සිට ඇති බවත් නිවසේ කෑම කාමරය තුළ තිබු ශීතකරණයේ පහළ කොටස තුළට අත දැමීමේදී විදුලි සැර වැදී ඇති බවත් හෙළි වී තිබෙනවා.
එය දුටු දරුවාගේ පියා වහාම දරුවා වතුපිටිවල මූලික රෝහල වෙත ඇතුළත් කර ඇතත් ඒ වන විටත් දරුවා මියගොස් ඇති බවයි වාර්තා වෙන්නේ.
