පිටිය මැද අකුණු සැර වැදී පාපන්දු ක්‍රීඩකයෙක් මරුට

පේරු හි සති අන්තයේ පැවති තරඟයක් අතරතුර පාපන්දු ක්‍රීඩකයෙකුට අකුණු සැර වැදීමෙන් ඔහ ජීවිතක්ෂයට පත්ව තිබෙනවා.

තවත් හතර දෙනෙකු තුවාල ලබා රෝහල් ගතකර ඇති බව වාර්තා වනවා.

පසුගිය ඉරිදා Huancayo නගරයට ආසන්න Coto Coto ක්‍රීඩාංගණයේ අයහපත් කාලගුණය හේතුවෙන් ක්‍රීඩකයින් සහ විනිසුරුවන් පිටියෙන් ඉවත්ව යද්දී ඔවුන් මෙම අනතුරට මුහුණ දී තිබෙනවා.

විදෙස් මාධ්‍ය පවසන්නේ, කණ්ඩායමේ ගෝල රකින්නා වන De la Cruz ගේ ඥාති සොහොයුරෙකු වන Juan Chocca Llactaට බරපතල තත්ත්වයේ පසු වූ අතර තවත් ක්‍රීඩකයින් තිදෙනෙකු පිළිස්සුම් තුවාල ලබා ඇති බවයි.

මෙම අනතුර සිදුවෙන ආකාරයේ වීඩියෝ මේ වන විට සමාජ මාධ්‍ය පුරාද සංසරණය වෙනවා.